ILOILO – Wala pa nalab-ot sang Police Regional Office 6 ang ideal police-population ratio.
Sa interview sang Bombo Radyo kay Police Lt. Col. Joem Malong, tagpamaba sang Police Regional Office 6, iya ginpahayag nga ang ideal police-population ratio amo ang 1:500 ukon isa ka pulis sa 500 nga populasyon.
Suno kay Malong, padayon ang recruitment para sa mga bag-o nga police personnel sa diin ang recruitment ang ginapatigayon, duha ka beses sa isa ka tuig.
Ginpahayag ni Malong nga magluwas sa mga nagaretiro, madamu man ang mga pulis nga napahalin sa serbisyo tuga sang nanarisari nga rason.
Ini ang rason kun nga-a dapat nga ilisan sang bag-o nga personnel ang nabakantehan nga pwesto agud nga indi magkulang ang police personnel sa rehiyon.
