ILOILO CITY – Nagapalab-ot sang pagpakig-unong ang mga manunudlo sang architecture student nga naghikog gamit ang nylon cord sa iya boarding house sa syudad sang Iloilo.
Sa interview sang Bombo Radyo kay Sir Jeofrey, manunudlo sang estudyante, iya ginpahayag nga maalam ang biktima kag aktibo sa patag sang sports.
Suno kay Jeofrey, nagakasubo sila kag nagapalab-ot sang pagpakig-unong sa pamilya sang biktima.
Ginpahayag man ni Jeofrey nga luyag man nila nga magbisita sa balay sang biktima sa Brgy. Camansihan, Culasi, Antique.
Ginakabig naman sang manunudlo nga trahedya ang nadangatan sang 21 anyos nga estudyante.
Nahibaluan nga naghikog ang biktima gamit ang nylon cord nga ginhigot sa double deck nga katre.
