TAPAZ, CAPIZ – Napalab-ot na sang otoridad sa concerned agencies ang narusdak nga pantyon nga ginareklamo sang mga pumuluyo sa Tapaz, Capiz.
Sa interview sang Bombo Radyo kay Police Capt. Brian Pallero, officer-in-charge sang Tapaz Municipal Police Station, iya ginpahayag nga nagaguwa na ang ulo sang bangkay sang lalaki.
Suno kay Pallero, ila na nga napahibalo sa Municipal Health Office ang tuhoy sa ginareklamo sang mga pumuluyo.
Ginpahayag ni Pallero nga ginabanta nga masobra pa lang sa isa ka bulan nga nalubong ang bangkay bangud nga wala pa ini sa state of decomposition.
