ILOILO CITY – Nakatalana na nga magpauli ang ginikanan sang mga kabataan nagikan sa Manila nga na-rescue sang Iloilo City Social Welfare and Development Office ang mag-ulutod nga ginapahayag ginpabay-an sa Bo. Obrero Lapuz, Iloilo City.
Ang mag-ulutod ang ginalakipan sang 19 anyos kag iya anak nga isa ka tuig, kag apat pa niya ka mga utod ang nagapangayo-kayo sa mga tawo agud lamang nga may makaon.
Sa interview sang Bombo Radyo kay Rara Ganzon, Crisis Interviention Unit head, iya ginpahayag nga sang ila ginkadtoan ang balay nga ginatiniran sang mag-ulutod, ila nakit-an ang mahigko kag nagalinapta nga mga gamit, wala kuryente kag wala man sang tubig.
Nagpakig-angot man ang City Social Welfare and Development Office sa ginikanan agud nga maglisensya nga ila kuhaon ang mga kabataan.
Naghingyo pa ang magulang nga indi lamang sila pagkuhaon apang wala ang mga ini sang may mahimo.
Gindala man sa ospital ang tatlo ka mga kabataan para sa medical intervention.
