ILOILO – Magahatag sang financial assistance ang Boy Scout of the Philippines sa mga nagkalapilasan nga estudyante sa natabo nga aksidente sa Brgy. Maribong, Lambunao, Iloilo.
Sa interview sang Bombo Radyo kay Leo Lao, Field Scout Executive sang Boy Scout of the Philippines-Iloilo, iya ginpahayag nga ang mga biktima ang may yara sang permit sa pagtambong sa district camping.
Suno kay Lao, nagalab-ot sa P5,000 tubtub P10,000 ang ayuda nga mabaton sang mga nagkalapilasan nga estudyante.
Ginpahayag ni Lao nga ang mga sigurado nga makakuha sang ayuda ang mga may yara sang medical records.
Indi lang mapat-ud ni Lao kun bala sakop man sang cash assistance ang mga ginikanan ukon guardians nga nagkalapilasan.
Sa pihak sini, ginpahayag sang natungdan nga ang natabo sa mga biktima ang wala ginhungod kag wala ginlauman nga matabo.
