ILOILO CITY – Natalana nga magapaidalom sa training ang mga nagabug-os sa Women and Children’s Protection Desk sa tagsa ka Police Station sa syudad sang Iloilo agud nga makabulig sa pagtapna sang pagtaas sang kaso sang suicide.
Santo sa record sang Iloilo City Police Office, naglab-ot sa 16 ang kaso sang suicide sa diin 14 diri ang patay.
Sa interview sang Bombo Radyo kay Police Captain Shella Mae Sangrines, tagpamaba sang Iloilo City Police Office, iya ginpahayag nga nakapakig-angot na ang Women and Children’s Protrection Desk kay Iloilo City Councilor Love-Love Baronda nga amo ang magapatigayon sang nagakaigo nga training may kaangtanan sa mental health.
Suno kay Sangrines, sa Oktubre 26, igalunsyar ang isa ka support group sa La Paz nga mahimo magpatigayon sang libre nga counselling kag iban pa nga mental services sa nga nagakinahanglan bisan isa lang ka bes sa isa ka semana.
Ginpahayag ni Sangrines nga mas makapaayo nga ang tanan nga distrito sa syudad ang may yara sang support group agud nga makabulig sa mga may yara sang mental health problems.
