ILOILO CITY – Indi mag-untat ang Oplan Hawan team tubtub nga indi mangin high compliance ang grado sang syudad sang Iloilo sa road clearing operations.
Ini matapos nga nakakuha sang medium compliance ang syudad sang Iloilo santo sa ginpaguwa nga resulta sang Department of Interior and Local Govenrment.
Sa interview sang Bombo Radyo kay Iloilo City Mayor Jerry Treñas, iya ginpahayag nga padayon sa gihapon ang pagpanghawan sang Oplan Hawan team bisan nga natapos na ang validation sang nasambit nga ahensya sang gobyerno.
Sa pagkamatuod suno kay Treñas, sa City Proper area ang gintutukan kaina sang Oplan Hawan team.
Suno kay Treñas, wala pa sang kapat-uran kun bala may yara sang ika duha nga hugnat ang validation nga patigayunon sang Department of Interior and Local Govenrment.
Ginpahayag sang alkalde nga iya gid nga ginapahanumdom sa tanan nga barangay official nga sundon ang Oplan Hawan.
