ILOILO CITY – Makabig nga franchise violation ang ginhimu sang isa ka taxi driver bangud sa “biglang-liko” isyu sa diin iya nga gindala sa isa ka drive-in hotel sa baylo nga idul-ong sa padulungan ang isa ka minor de edad nga pasahero.
Sa interview sang Bombo Radyo kay Land Transportation Franchising and Regulatory Board 6 Regional Director Richard Osmeña, iya ginpahayag nga makabig nga paglapas sa layi ang ginhimu sang taxi driver nga si Roderick Olay.
Suno kay Osmeña, mahimo nga pasakaan sang nagakaigo nga kaso si Olay santo sa panaysayon sang 16 anyos nga pasahero.
Ginpahayag ni Osmeña nga kun desidido ang pamilya sang minor de edad, handa siya nga magbulig agud nga matigayon ang pagpasaka sang kaso.
Ginpahanumdom man sang natungdan ang mga operator nga kinahanglan nga pili-on sang maayo ang ginabaton nga driver bangud nga mahimo nga maapektuhan ang negosyo sa tion nga maghimo sang malain ang empleyado.
