ILOILO CITY – Nagpaareglo ang pamilya sang menor de edad nga babaye nga gindala sang iya ginsakyan nga taxi sa Queens Court sa Bolilao Mandurriao, Iloilo City.
Ang biktima amo si alyas Nene, 16 anyos, residente sang Barangay Sambag Jaro, Iloilo City.
Samtang ang driver naman amo si Roderick Olay sang Dueñas, Iloilo, driver sang insoo taxi.
Sa interview sang Bombo Radyo kay Pol. Maj. Marlon Valencia, hepe sang Mandurriao Police Station, iya ginpahayag nga ginpakamaayo na lang sang pamilya nga indi na magpasaka sang kaso agud indi na magdako ang isyu.
Wala man gintumod ni Valencia kun bala may baydanay nga natabo sa tunga sang biktima kag sang operator sang insoo taxi.
Nahibaluan nga naghalin sa dako nga mall ang biktima kag mapadul-ong kuntani sa ila balay apang gindala sang taxi driver sa lodging house.
