ILOILO CITY– Nagduso sang ordinansa ang isa ka board member sa Probinsya sang Iloilo, may kaangtanan sa pagregulate sa paggamit sang drones malapit sa airport.
Sa interview sang Bombo Radyo kay 4th District board member Rolando Distura, iya ginpahayag nga, ang mga unmand aircraft vehicles, drones, ang ginagamit na subong sang tanan nga negosyante.
Tinutuyo sang nasambit nga ordinansa suno sa iya ang paghatag sang guidelines sa mga enthusiasts , may kaangtanan sa paggamit sang nasambit nga mga gadgets.
Suno kay Distura, delikado para sa mga nagalupad nga eroplano, ukon helicopters ang mga drones, bangud posible nga higupon ini sang propeller sang helicopter, ukon sang jet engine sang eroplano.
Suportado naman sang Civil Aviations Authority of the Philippines, ang nasambit nga ordinansa, kag ginahingyo sang mga ini nga indi magpalupad sang drones sa sulod sang 10 kilometer radius sang airport.
