ILOILO CITY – Kapin sa P200,000 ang balor sang halit nga gintuga sang sunog sa Brgy. Cuartero, Jaro, Iloilo City.
Sa interview sang Bombo Radyo kay Fire Chief Inspector Christopher Regencia, City Fire Marshall, iya ginpahayag nga naglawig sang 20 minutos ang sunog antes napalong ang kalayo.
Suno kay Regencia, lima ka balay ang totally burned kag isa ang partially damaged sa nasambit nga sunog.
Ginpahayag ni Regencia nga sa balay ni Faly Celestial naghalin ang kalayo kag ginapahayag nga kuryente ang ginhalinan sang kalayo.
Magluwas kay Celestial, naupos man ang balay nanday Cynthia Fornales, George Dela Banda, Buboy Quirobin kag Catalina Dela Banda samtang partially damaged naman ang balay ni Wilfredo Parcia.
Wala naman sang may napatay sa nasambit nga insidente.
