ILOILO CITY – 40 ka indibidwal ang temporaryo nga nagatinir sa Jaro 1 Elementary School matapos ang nagluntad nga sunog sa Brgy. Cuartero, Jaro, Iloilo City.
Ini matapos nga 5 ka balay ang naupos samtang isa naman ka balay ang partially damaged.
Sa interview sang Bombo Radyo kay Teresa Gelogo, officer 3 sang City Social Welfare and Development Office, iya ginpahayag nga naghatag na sila sang bugas kag canned goods para sa mga biktima sang sunog.
Suno kay Gelogo, magahatag man si Iloilo City Mayor Jerry Treñas sang P10,000 nga cash assistance para sa mga may totally damaged nga balay kag P7,000 naman para sa may partially damaged nga balay.
Para naman sa mga may bulawanon nga tagipusu-on nga maluyag maghatag sang bulig, mahimo suno kay Gelogo nga ihatag ini direkta sa mga biktima sang sunog.
Ginapaligban man sang mga biktima kun sa diin magakuha sang kwarta agud nga ibakal sang materyales sa pagpatukod sang balay.
