ILOILO CITY – Nagalaum ang tag-iya nga paagi sa panawagan section sang Bombo Radyo Iloilo, mabalik ang iya nadula nga wallet nga may unod nga masobra sa P5,000.
Sa interview sang Bombo Radyo kay Ester Quibete, iya ginpahayag nga nagsakay siya sa taxi halin sa Valeria St. kag nagpadul-ong sa Delgado St., Iloilo City.
Suno kay Quibete, wala na niya natalupangdan kun ano ang pangalan sang taxi unit lakip na ang plaka sini.
Ginpahayag ni Quibete nga ang natandaan lang niya amo nga Avanza type ang iya ginsakyan nga taxi.
Magluwas sa kwarta nga inugbakal pa kun tani sang ila kinahanglanon, ang wallet ang naga-unod man sang identification card.
