ILOILO CITY – May yara na sang temporaryo nga barangay hall ang Delgado-Jalandoni-Bagumbayan, Iloilo City matapos ang ginpatigayon nga Oplan Hawan.
Sa interview sang Bombo Radyo kay Punong Barangay Ma. Frieda Bascoquin sang nasambit nga barangay, iya ginpahayag nga ginguba ang ila barangay hall bangud nga nagasablag sa dalan.
Magluwas sa barangay hall suno kay Bascoquin, ginguba man ang ila multi-purpose hall kag ang tanod outpost.
Suno kay Bascoguin, ginhingagaw niya ang pagpahimo sang temporaryo nga barangay hall agud nga may magamit sila para sa barangay transaction.
Sa subong suno kay Bascoguin, iya pa nga ginaproseso ang dukomento sang duta nga pagahamtangan sang ila bag-o nga barangay hall.
