BUENAVISTA, GUIMARAS – Wala sa gihapon makabaton sang sabat si Buenavista Guimaras Mayor Eugene Reyes nagikan sa Maritime Industry Authority kag Department of Transportation may kaangtanan sa imbestigasyon kag rekomendasyon sa natabo nga Iloilo Strait Tragedy sang Agosto 3.
Sa interview sang Bombo Radyo kay Mayor Reyes, iya ginpahayag nga padayon siya sa gihapon nga nagahulat sa sabat sang mga nasambit nga ahensya.
Suno kay Reyes, luyag niya mahibaluan ang imbestigasyon kag rekomendasyon sang ahensya agud nga makahimo sang tikang.
Magluwas sini, pinaagi man kuntani sa rekomendasyon sang Maritime Industry Authority, malikawan kag indi na maliwat pa ang natabo nga trahedya.
Nahibaluan nga makaduha ka beses nagsulat ang alkalde sa nasambit nga mga ahensya.
