ILOILO CITY – Wala sa gihapon sang aktu ang mga telecommunication company tuhoy sa ginareklamo nga nagawayway nga wiring sa Zamora St., Brgy. Concepcion, Iloilo City.
Ini ang kasunod sang natabo nga sunog sa nasambit nga lugar sa diin nabudlayan ang mga bombero sa pagresponde.
Sa interview sang Bombo Radyo kay Brgy. Kagawad Bernard Alipala sang nasambit nga lugar, iya ginpahayag nga madugay na niya nga ginreklamo sa tagsa ka telecommunication company ang tuhoy sa nasambit nga problema.
Suno kay Alipala, tubtub subong, ginahulat pa niya ang aktu sang mga kompaniya agud nga mahitso ang ila ginareklamo nga makabig eyesore.
Ginpahayag ni Alipala nga agud nga makasulod ang fire truck sang nagluntad ang sunog sang nakaligad nga Dominggo, ila nga ginbantingan ang nagawayway nga wiring.
Magluwas sa firetruck, ginpahayag sang natungdan nga bisan ang mga salakyan ang nabudlayan sa pagsulod sa ila barangay bangud sa nasambit nga problema.
