ILOILO CITY – Ginahulat pa sang Maritime Industry Authority ang official advisory halin sa Department of Transportation kaangot sa pagbalik sa pagbutang sang trapal sa mga pumpboat nga may byahe Iloilo-Guimaras vice versa.
Sa exclusive interview sang Bombo Radyo kay Engr. Jose Venancio Vero, regional director sang Maritime Industry Authority Region 6, iya ginpahayag nga sa subong, indi pa nila mahimo mapasugtan ang pagbutang sang trapal sa mga pumpboat.
Suno kay Vero, nakabaton lang ini sang inisyal nga impormasyon nga si Department of Transportation Sec. Arthur Tugade mismo ang nagpasugot nga ibalik na sa normal ang sitwasyon sang mga pumpboat.
Pinaagi sa isa ka advisory suno sa natungdan ang pamaagi agud mapabalo sa publiko ang mga nagakadapat nga pagsulundan sa tion nga maglayag na ang mga sakayang pandagat sa Iloilo Strait.
Santo sa pagsulundan nga ginpaguwa ni Sec. Tugade, nagakadapat nga may yara sang specifications ang pagbutang sang trapal.
Ang kataason ang dapat yara sa 1.8 meters, ang kalabaon ang dapat nga katunga sang pump boat, ang kalapadon ang dapat 80% sang kalapadon sang pump boat kag ang angle sang deflection ang indi dapat maglapaw sa 15 degrees gikan sa horizontal line.
Ang mga pasahero ang nagakadapat nga magsuksok sang life jacket, 75% passenger capacity, sunrise to sunset ang operations sang pagbyahe, may yara sang byahe sa tion sang fair weather condition kag may yara sang radio distress signal ukon communications ang tagsa ka pump boat.
Ang nasambit nga issuance/authority ang nasanto sa phase in/phase out program sang wooden-hulled motorbanca santo sa ginaduso sang kooperatiba ukon boat owners.
