ILOILO CITY – Patigayunon na buwas nga adlaw ang finals sang pila ka hampang sa University Games 2019.
Ang final game sang basketball men kag women ang patigayunon sa gym sang University of San Agustin extension campus.
Santo sa schedule, sa basketball women, 8:00 buwas sang aga, maga-agaway sa 3rd place ang University of Mindanao kag ang De La Salle – Dasmariñas.
Maga-agaway naman sa kampyeonato 3:00 sa hapon ang De La Salle – College of St. Benilde kag ang Enderun Colleges.
Sa basketball men, 9:15 buwas sang aga, maga-agaway sa 3rd place ang University of Perpetual Help System – Junelta kag ang Asian College.
Sa kampyeonato naman, 4:15 sa hapon, maga-agaway ang Colegio De Sta. Ana De Victorias kag ang Enderun Colleges.
Magluwas diri, ang finals sang iban pa nga hinampang ang patigayunon sa Dominggo nga adlaw kadungan sang closing ceremony.
