ILOILO CITY – Daku nga pagpanghangkat para kay Iloilo City Mayor Jerry Treñas ang pagpatuman sang Oplan Hawan sa syudad sang Iloilo.
Sa interview sang Bombo Radyo kay Treñas, iya ginpahayag nga indi mahapos ang pagkuha sang mataas nga grado sa Oplan Hawan.
Suno kay Treñas, sa subong, adlaw-adlaw ang ginapatigayon nga monitoring sang composite team nga amo ang nakatuon sa pagpangguba sang mga nagasablag sa dalan.
Ginpahayag ni Treñas nga nagapadayon ang inventory paagi sa ginapasa nga report sang mga Punong Barangay tuhoy sa pagpatuman sang road clearing operations sa ila tagsa ka area of responsibility.
Kun tani suno sa alkalde, mag-ugyon ang tanan nga barangay official agud nga mahawanan ang mga barangay road sa syudad sang Iloilo.
