ILOILO CITY – Multi purpose complex ang pagatukuron sa tion nga gub-on ang Iloilo Central Market kag Iloilo Terminal Market.
Sa interview sang Bombo Radyo kay Local Economic Enterprise Office Head Mr. Ariel Castañeda, iya ginpahayag nga antes pa man kaayuhon ang duha ka merkado paagi sa Public Private Partnership, ila anay nga tipunon ang rekomendasyon sang verndors.
Suno kay Castañeda, nagakadapat nga tun-an sang maayo ang pagbalay sang Terms of Reference sang proyekto agud nga wala sang mangin problema.
Ginpahayag ni Castañeda nga iya mapasalig nga wala sang may madulaan sang pwesto nga mga vendor.
