JANIUAY, ILOILO – Nakitaan sang laceration ang kinatawo sang dalaga nga ginpatay sa Barangay Abangay Janiuay Iloilo.
Ang biktima amo si Ronalyn Bravio, 19 anyos samtang ang suspek naman amo ang iya pakaduha nga si Rhegie Levoit, 42 anyos.
Sa interview sang Bombo Radyo kay Dr. Joe Martin Fuentes, Medico Legal Officer sang Police Regional Office 6, iya ginpahayag nga nakaangkon sang tatlo ka lacerations sa kinatawo sang biktima.
Suno kay Fuentes, may yara man sang patal nga pilas sa ulo si Bravio tuga sang pagkalampos sang matig-a nga bagay.
May yara man sang pilas sa tyan ang biktima tuga man sang pagbuno sang ice pick kag may markings nga nakit-an sa liog sini nga mahimo tuga naman sang pagkuga.
Magluwas sa liog, may markings man nga nakita sa tuo nga kamot sang biktima kag sa tuhod nga mahimo tuga sang pagkagapos.
