ILOILO CITY – May mga suhestyon kag may pipila ka mga pagpamatok ang ginaduso nga resolution ni Iloilo City Councilor Alan Zaldivar nga ipa-idalom ang mga empleyado kag mga job hires sa Chest X-Ray bilang requirement para sa ila nga annual renewal.
Suno kay Zaldivar, ang nasambit nga resolution ang may katuyuan nga protektahan sa balatian ang mga empleyado kag job hires ilabi na sa tubercolosis.
Dugang pa sang konsehal, ang tubercolosis ang balatian nga makalalaton sa diin kun mahimo nga malatnan, maapektuhan ang serbisyo sang mga empleyado.
Apang suno naman kay Councilor Lyndon Acap, mahimo nga ma subject sa anti-red tape act ang ginaduso nga resolution ni Zaldivar bangud ang pagpaidalom sang Chest X-Ray ang naga-eksister na nga requirement sa pag-apply sang trabaho sa Iloilo City Hall.
