ILOILO CITY – Naka-eskperyensya sang blackout ang Panay matapos nga nag-unstable ang power supply sang Panay-Guimaras-Negros grid kaina sang kasisidmon.
Sa interview sang Marcelo Cacho, administrative manager sang Panay Electric Company, iya ginpahayag nga ang Panay-Guimaras-Negros grid ang sakop sang Global Business Power Corporation.
Suno kay Cacho, kalabanan sa mga lugar sa Panay ang naka-eksperyensya sang halos isa ka oras nga blackout.
Ginpahayag ni Cacho nga una nga gin-activate ang diesel plant sa diin una nga nahatagan sang supply sang kuryente amo ang City Proper area kag paagi sa pahanugot sang Global Business Power Corporation kag National Grid Corporation of the Philippines, amat-amat nga ginbalik ang supply sang kuryente sa iban nga distrito sang syudad kag sa iban pa nga mga lugar.
Ginabanta nga magalawig sang 5 tubtub 6 ka oras antes nabalik sa normal ang electric supply matapos nga gin-activate ang coal plant.
Padayon pa nga ginahibalo ang rason sang blackout.
