ILOILO – Wala sang pa sin-ohun si Iloilo Police Provincial Office Director Pol. Col. Roland Vilela sa mga kapulisan sa probinsya sang Iloilo.
Ini ang may kaangtanan sa mga responsibilidad sang mga kapulisan kag mandu sang IPPO Director nga wala ginasunod sang mga pulis.
Sa interview sang Bombo Radyo kay Vilela, iya ginpahayag nga ang tanan nga mga hepe sang quinto distrito sa Iloilo ang nakatilaw tindak halin sa iya bangud sa kapaslawan sang mga hepe nga himuon ang ila mga responsibilad kaangay sang traffic plan, mga vendors nga nagasalablag sa dalan, kag ang iban nga pulis ang wala man nagasunod sang “tamang bihis”.
Suno kay Vilela, wala niya ginapabugal ang mga pulis sa quinto distrito bangud makapila na ka beses niya nga ginhambalan ang mga ini apang wala pa ginsunod sang mga hepe.
Pahayag sang IPPO Director, indi na niya obligasyon pa ang pagpanggunting sang mga balbas sang mga pulis nga kabahin sang “tamang bihis” bangud nakahibalo naman ang tanan nga kapulisan nga isa ini sa ila mga obligasyon.
Dugang pa sang natungdan, indi buot silingon nga kun wala sang may nagabantay sa mga kapulisan sa tagsa nila nga area of assignment, indi man ang mga ini magpreparar.
