ILOILO CITY – Pasado bilang drug cleared ang masobra 20 ka mga barangay sa syudad sang Iloilo sa ginpatigayon nga deliberasyon sang regional oversight committee.
Ang Regional oversight committee ang ginabug-osan sang Philippine National Police, Department of the Interior and Local Government, Department of Health kag Philippine Drug Enforcement Agency.
Sa interview sang Bombo Radyo kay Shey Tanaleon, Public Information Officer sang Philippine Drug Enforcement Agency, iya ginpahayag nga sa 69 ka mga barangay sa syudad nga nag apply agud mangin drug cleared, masobra 20 lamang ang nakapasar.
Ang mga drug cleared barangay amo ang mga masunod;
-Barangay San Jose sa Arevalo
-Barangay Aguinaldo kag Barangay Lopez Jaena Sur sa LaPaz
-Barangay Arsenal-Aduana; Barangay Inday; Barangay Nonoy; Barangay Rima-Rizal; Barangay Sto. Rosario Duran; Barangay Tanza Timawa 1 kag 2 sa Iloilo City Proper
-Barangay Loboc kag Barangay Punong sa Lapuz
-Barangay Javellana sa Jaro
-Barangay Calajunan; Barangay Guzman-Jesena; Barangay Pali-Benedicto; Barangay San Rafael; Barangay PHHC Block 17 kag 22; kag Barangay Dungon C sa Mandurriao
-Barangay Avancaña; Barangau Poblacion; Barangay South Fundidor; Barangay San Antonio kag Barangay Taal sa Molo.
Suno kay Tanaleon, indi buot silingon nga permanente na ang drug cleared status sang mga barangay nga nasambit bangud padayon sa gihapon ang monitoring sang mga awtoridad.
Nahibaluan nga antes magpatigayon sang deliberasyon, nag conduct pa ang regional oversight committee sang on-sight validation kag nagkalain-lain nga intel workshop sa diin ginakumpara sang PDEA kag PNP ang ila mga rekord sa pag-monitor sa mga kabarangayan.
