ILOILO – Isa sa mga prayoridad sang Kongreso ang pagpostpone sang Barangay kag Sangguniang Kabataan Elections.
Sa interview sang Bombo Radyo kay Iloilo 3rd District Cong. Lorenz Defensor, iya ginpahayag nga target sang Barangay kag Sangguniang Kabataan Elections nga patigayunon sa Disyembre 2022.
Suno kay Defensor, tuman ka lip-ot ang ginahatag nga tion sa Barangay kag SK officials nga makapangalagad ukon makaserbe sa mga pumuluyo sang barangay.
Nagakinahanglan pahayag sang congressman nga makatilaw man ang mga tawo sang serbisyo sang mga Barangay kag SK officials.
Dugang pa sang natungdan, ang duha ka tuig nga pagpangalagad sang mga Barangay kag SK officials ang indi bastante agud nga mapatuman ang mga proyekto nga luyag para sa barangay.
