ILOILO CITY – Posible subong nga adlaw mabutangan na sang reflectorized warning device ang ginakaayo nga Forbes Bridge sa Bonifacio Drive, Iloilo City.
Ini ang may kaangtanan sa mga reklamo sang mga motorista nga delikado ang ginakaayo nga dalan bangud wala sang mga early warning device nga nahamtang sa lugar.
Sa interview sang Bombo Radyo kay Mr. Jeck Conlu, pinuno sang Public Safety and Transportation Mangement Office, iya ginpahayag nga tskeyaron sang ahensya kaupod ang Department of Public Works and Highways ang nasambit nga taytay agud mabutangan ini sang plastic barrier nga mangin giya sang mga motorista agud likawan ang ginakaayo nga dalan.
Suno kay Conlu, irekomenda niya sa Department of Public Works and Highways nga mapangitaan sang paagi agud mabutangan sang reflectorize warning device ang taytay.
Samtang laoman naman ang malawig nga construction sang taytay bangud may deperensya ang deck slab sini.
Pahayag ni Conlu, butangan lang kuntani sang aspalto ang taytay apang nakit-an nga kinahanglan bakbakon ang pipila ka porsyon sang taytay rason nga indi ini dali-dali nga makaayo kag matapos.
