ILOILO CITY – Igapatawag sang pinuno sang Public Safety and Transportation Management Office ang mga barangay official kag barangay tanod sang mga lugar nga malapit sa ginareklamo nga taytay sa Brgy. Boulevard, Molo, Iloilo City.
Ang nasambit nga taytay ang ginakaayo kag nagatuga sang pagpugok sang trapiko ilabi na sa tion sang rush hour.
Sa interview sang Bombo Radyo kay Mr. Jeck Conlu, pinuno sang Public Safety and Transportation Management Office, iya ginpahayag nga kinahanglan ang bulig sang mga barangay official nga amo ang mas pamilyar sa mga tawo nga naga-agi sa lugar.
Suno kay Conlu, indi bastante ang numero sang mga traffic enforcer kag mga pulis nga nagabantay sa traffic situation sa taytay.
Ginpahayag sang natungdan nga kinahanglan nga ipatuman ang one-way sa ginakayao nga taytay agud nga indi maggutok ang mga salakyan.
