ILOILO – Ginalantaw sang Kamara kun ano nga hagna ang tutukan sang mga mamalidha may kaangtanan sa Reserve Officers’ Training Corps (ROTC) nga ginaduso bilang mandatory.
Sa interview sang Bombo Radyo kay Iloilo 5th District Congressman Raul Buboy Tupas, iya ginpahayag nga madamo sang mga hagna sa Kamara nga gin pang file may kaangtanan sa Mandatory ROTC apang istoryahan ini sang mamalidha agud nga isa na lamang ka hagna ang pagatutokan.
Suno kay Tupas, may mga hagna nga sa sekondarya lamang nakatutok para sa Grade 11 kag 12 samtang may yara naman sang mga hagna nga nakatutok lang sa kolehiyo.
Sa subong dugang pa sang natungdan, indi pa mahimo nga ang Committee on National Defense and Security ang makapot sa mga ginaduso nga hagna bangud kinahanglan pa ini nga ma istoryahan sang Committee on Basic Education kag Committee on Higher Education.
