ILOILO CITY – Wala sa gihapon sang ideya si Iloilo City Mayor Jerry Treñas kun sin-o ang nagapanggabot sang mga bulak nga ginatanom sang Task Force Beautification sa nagkalain-lain nga bahin sang syudad sang Iloilo.
Sa interview sang Bombo Radyo kay Mayor Treñas, iya ginpahayag nga ginpahibalo na niya ang Philippine National Police agud doble nga mabantayan ang mga tanom sa syudad.
Suno kay Treñas, may mga Green guards man nga nagabantay sa mga plaza sa diin ang mayor nga katungdanan sini amo ang mabantayan ang mga tanom nga nagahatag duag sa syudad.
Nahibaluan nga makapila na ka beses nga ginpanggabot ang mga bulak sa Diversion Road, Mandurriao kag Molo, Iloilo City.
