ILOILO CITY – Ginakabig sang Rotary Club of Iloilo South nga “service above self” ang pagdonar sang dugo sa Dugong Bombo 2019.
Sa interview sang Bombo Radyo kay Engr. Nilo Jardeleza sang Rotary Club of Iloilo South, iya ginpahayag nga ang pagdonar sang dugo ang makabig nga sagrado nga buluhaton.
Suno kay Jardeleza, sa ila grupo, madamu na ang mga blood galloner kag kwalipikado sa pinakamataas nga pasidungog nga ginahatag sang Rotary Club International nga “service above self”.
Ginpahayag si Jardeleza nga ang pagdonar sang dugo ang nagakinahanglan sang kaisog kag pag-ulikid sa isig ka tawo.
Sa maabot nga Dugong Bombo suno sa natungdan, full force ang ila grupo sa pagpakigbahin sa isa sa mga civic project sang Bombo Radyo Philippines.
Nahibalu-an nga ang Dugong Bombo 2019 ang patigayunon sa Nobyembre 16 sa Iloilo Science and Technology University sa Burgos St., La Paz, Iloilo City.
