ILOILO CITY – Kapin sa 600 ka traffic violators sa Western Visayas ang nahatagan sang Temporary Operators Permit humalin sang Oktubre 22 tubtub Nobyembre 3, 2019.
Sa interview sang Bombo Radyo kay Riza Otayde, tagpamaba sang Land Transportation Office 6, iya ginpahayag nga naglab-ot sa 599 ang nahatagan sang Temporary Operators Permit, 677 ka salakyan ang na-inspection sa diin kalabanan ang may yara sang guba nga windshield.
Ang mga ginhatagan sang Temporary Operators Permit suno kay Otayde ang may 15 ka adlaw agud nga mabawi ang lisensya apang kun mapaslawan, suspension ukon revocation ang silot.
Sa Negros, may anum ka colorum nga salakyan ang nadakpan samtang overloading naman ang kalabanan nga na record sa Iloilo.
