MIAG-AO, ILOILO – Bugal para sa pamunu-an sang Iloilo and Science and Technology University nga mangin recipient sang Regional Yarn Production and Innovation Center sa bulig sang nanari-sari nga ahensya sang gobyerno.
Sa interview sang Bombo Radyo kay Dr. Raul Muyong, presidente sang nasambit nga unibersidad, iya ginpahayag nga lakip sa mga ahensya nga nangin kabahin sang nasambit nga proyekto amo ang Department of Science and Technology – Philippine Textile Research Institute, Department of Science and Technology Region VI, Great Women Philippines Inc. kag ang Local Government Unit sang Miagao.
Suno kay Dr. Muyong, ang Iloilo Science and Technology University ang labing una nga nakabaton sang nasambit nga proyekto nga may katuyu-an sa pagtib-ong sang weaving industry.
Ginpahayag ni Dr. Muyong nga sa Miag-ao campus sang unibersidad ipatukod ang Regional Yarn Production and Innovation Center bangud nga ang banwa sang Miag-ao ang kilala kun paghimo sang hablon nga himu sa natural fiber ang pagahambalan.
