ILOILO CITY – Bug-os ang pagsuporta sang Philbikers Mosrai Original sa Dugong Bombo 2019.
Sa programa Good Morning Philippines, ginpabutyag ni Anthony Estancia, national president sang Philbikers Mosrai Original, maga-upod ang tanan nila nga miyembro gikan sa nagkalain-lain nga lugar sa pungsod.
Suno kay Estancia, bisan indi man kwalipikado nga magdonar sang dugo ang iban sa iya mga kaupdanan apang sila ang magabulig sa manpower.
Ginpahayag ni Estancia nga siya mismo ang makabig na nga blood galloner bangud sa masami niya nga pagpakigbahin sa blood-letting activity.
Samtang, para naman sa isa pa gid ka blood galloner nga si Police Corporal Julie Ann Robles, assistant secretary sang nasambit man nga grupo, tradisyon na niya ang pagpakigbahin sa blood-letting activity.
Ginpahayag ni Robles nga maayo ang iya pamatyag sa tion nga makadonar sang dugo.
Bilang pagpanghanda, ginpahayag ni Robles nga nagakadapat nga magkaon sang healthy foods, likawan ang pag-inom sang makahulubog nga ilimnon kag dapat may bastante nga tulog.
