ILOILO CITY – Mas hugton sang Department of Interior and Local Goverment (DILG) kag Office of the Presidential Assistant for the Visayas ang pag monitor sa mga alkalde kag barangay officials nga wala nagasunod sa mando ni Presidente Rodrigo Duterte kaangot sa clearing operations.
Ini apisar nagtakop na ang deadline sang clearing operations.
Sa exclusive interview sang Bombo Radyo kay Assistant Secretary Anthony Gerard “Jonji” Gonzales, iya ginpahayag nga seryoso ang presidente sa iya mando nga hawanan ang mga nagasablag sa mga dalanon kag sidewalks.
Suno kay Gonzales, ginsapol ni Presidential Assistant for the Visayas Michael Lloyd Diño ang Liga ng mga Barangay agud sundon ang mando sang presidente nga magpanghawan sa mga sidewalks kag dapat wala sang ginakahadlukan.
Gin ako man ni Gonzales nga naintindihan sini ang sitwasyon sang mga pumuluyo nga apektado sang clearing ilabi na ang mga vendors.
Apang bangud mando ini sang presidente, wala sila sang may mahimo kundi magtuman.
Indi naman magduha-duha si Presidente Duterte kag Department of Interior and Local Goverment (DILG) Secretary Eduardo Año nga isuspend ang mga alkalde kag mangin barangay officials nga matukiban nga nagpatumbaya sa clearing operations.
Sa subong, ginahitso na sang mga natungdan ang mga kinahanglanon agud masampulan ang mga pabaya nga elected government officials partikular ang alkalde kag punong barangay.
