ILOILO CITY – Indi magnubo sa 30 ka personnel sang Iloilo City Police Office ang magapakigbahin sa Dugong Bombo 2019 sa Nobyembre 16 sa Iloilo Science and Technology University sa Burgos St., La Paz, Iloilo City.
Sa interview sang Bombo Radyo kay Iloilo City Police Office Director Police Col. Martin Defensor Jr., iya ginpahayag nga wala pa sang pinal nga listahan kun pila gid ka personnel ang magadonar sang dugo.
Suno kay Defensor, mahimo nga madugangan pa ang numero sang mga personnel nga magapakigbahin sa Dugong Bombo 2019.
Ginpahayag ni Defensor nga nakahanda ang bug-os nga hanay sang Philippine National Police sa pagbulig sa mga nagakinahanglan sa bisan ano nga pamaagi.
