ILOILO CITY – Ginahulat na lang ni Iloilo City Mayor Jerry Treñas ang drainage plan ukon program of works sa pagkay-o sang kanal sa palibot sang duha ka merkado sa syudad sang Iloilo.
Sa interview sang Bombo Radyo kay Treñas, iya ginpahayag nga may yara na sang pondo nga gintalana para sa drainage improvement sa palibot sang Iloilo Terminal Market kag Iloilo Central Market.
Suno kay Treñas, mas makapaayo pa gid kun iya mapangitaan sang dugang nga pondo ang nasambit nga proyekto sa diin sa Iloilo Terminal Market, may yara sang ginpain nga pondo nga P11 million samtang ang Iloilo City Government ang magapangita sang dugang nga P10 million bangud nga malapad ang nasambit nga merkado.
Sa bahin naman sang Iloilo Central Market, nagalab-ot sa P10 million ang total budget nga ginpain sa diin antes pa man magsulod sa Public Private Partnership, amat-amat na nga naumpisahan ang pagka-o sa nasambit nga mga merkado.
