ILOILO CITY – Indi lamang pagpangadi kag pagtuon ang ginahimu sang mga seminarista sa sulod sang St. Joseph Seminary.
Sa Good Morning Philippines Program, ginpahayag ni Fr. Joper Geraneo, Secretary sang Arsobispo sang Archdiocese of Jaro kag alumni sang nasambit nga seminaryo, indi mahapos ang pangabuhi bilang isa ka seminarista.
Suno kay Geraneo, sa iya nga pagsulod sa seminaryo, madamu siya sang nabinag-binag ilabi na sa pagdesisyon.
Ginpahayag ni Geraneo nga ang pagsulod sa seminaryo ang nagabulig agud nga mahibalu-an kun ano gid ang panan-aw sa kabuhi sang isa ka tawo.
Sa weekdays kag weekend suno sa pari, may yara sang ginasunod nga orarium ang mga seminarista sa diin may yara sila sang ginasunod nga time schedule halin sa pagbugtaw tubtub sa pagtulog.
Indi kasubong sa ginahuna-huna sang kadam-an, indi lamang pagpangadi kag pagtuon ang ginatutukan sang mga seminarista kundi may yara man sila sang sports activities ukon leisure time kasubong sa iban nga estudyante.
Indi tanan nga seminarista suno sa natungdan ang nagapari bangud nga ang priesthood ang nagakinahanglan sang determinasyon kag mapag-on nga desisyon.
Madamu ang nakalinya nga aktibidad may kaangtanan sa pagsaulog sang ika-150 nga founding anniversary sang St. Vincent Ferrer Seminary.
Sa Good Morning Philippines program, ginpahayag ni Larry Tabsing, Secretary sang Angkan Alumni Association kag anay Bombo Radyo Personnel, nga ang week-long celebration ang maga-umpisa sa Nobyembre 24.
Suno kay Tabsing, madamu na sang mga estudyante kag alumni sa nasambit nga seminaryo apang subong pa lang matigayon ang pinakadaku nga pagtililipon.
Ginpahayag ni Tabsing nga sa sulod sang isa ka semana nga paghanduraw sa ika-150 ka tuig sang St. Vincent Ferrer Seminary, maga-umpisa ang aktibidad 8:00 sa aga.
May yara sang misa, motorcade, exhibit, fellowship, recollection, sports fest, family day, film showing, medical mission, bilada, alumni night kag general assembly nga patigayunon.
Ginakabig naman nila nga mga alumni nga dungog ang paghanduraw sa maragtas sang nasambit nga seminaryo.
