ILOILO CITY – Nagpabutyag ang Panay Electric Company nga magabayad na sang P98 million nga Real Property Tax sa sulod sang duha ka tuig.
Sa interview sang Bombo Radyo kay Iloilo City Mayor Jerry Treñas, iya ginpahayag nga mas makapaayo kun makabayad na ang Panay Electric Company.
Suno kay Treñas, sa Disyembre 12 pa man patigayunon ang auction apang sa tion nga mapaslawan sa pagbayad ang Panay Electric Company, nakahanda man ang MORE Electric and Power Corporation nga baklon ang gin-auction nga propidad.
Ginpahayag ni Treñas nga nakahibalo naman si Atty. Edgar Gil, pinuno sang City Legal Office tuhoy diri.
Samtang, mahimo nga may yara sang salary increase ang mga empelyado sang Iloilo City Hall sa tion nga makabayad na ang Panay Electric Company.
Kadungan sang flag raising ceremony subong nga adlaw, ginpahayag ni Treñas nga sakop sang Salary Standardization Law 5 amo ang mga regular lakip na ang casual employee.
Sa tion nga makabayad ang nasambit nga electric company, mahimo nga mapasulod ang salaruy increase sa Enero sa masunod nga tuig.
