ILOILO CITY – Nagareklamo ang mga trisikad driver sa syudad sang Iloilo bangud nagadamo na ang mga electric bike ukon e-bike nga nagabyahe.
Sa interview sang Bombo Radyo kay Rodrigo Vicente, 63 anyos kag trisikad driver sa Campaña, Molo, iya ginpahayag nga 40 ka tuig na siya naga nagabiyahe sang trisikad sa lugar kag subong lamang nagdamo ang mga ka-kompetensiya nila bangud sa electric bike.
Suno kay Vicente, kun sang una maka-income pa siya sang P300 kada adlaw, subong ginabanta yara na lang sa P100 tubtob P150 ang iya kita kada adlaw.
May yara sang 10 ka mga kabataan si Vicente kag mabudlay para sa iya nga P150 lamang ang ma income sa isa ka adlaw.
Dugang pa niya, luyag man niya kuntani nga magbakal sang electric bike apang pigado gid ang kita niya subong bilang trisikad driver.
