ILOILO CITY – Kinahanglan nga rehistrado sa Land Transportation Office ang mga electric bikes antes ini gamiton.
Sa interview sang Bombo Radyo kay Jojo Jamerlan, Deputy Chief for Operations sang Land Transportation Region 6, iya ginpahayag nga ginadumili-an ang pagbutang sang side car sa electric bike.
Suno kay Jamerlan, wala ginapahanugutan nga mangin commercial use ang mga electric bike.
Agud nga ma rehistro ang electric bike sa Land Transportation Office, kinahanglan nga kumpletuhon sang tag-iya ang mga masunod nga dokumento;
- Commercial invoice sang electric bike gikan sa country of origin.
- Certificate of Payment
- Certificate of Stock Report
- Sales invoice sang salakyan nga may sales evaluation gikan sa regional office
- PNP-TMG MV Clearance Certificate
- a duly accomplished and approved Motor Vehicle Inspection Report
- appropriate insurance certificate of cover kag
- Taxpayer’s Identification Number ( TIN )
Pahayag ni Jamerlan, kun indi ma comply sang tag-iya sang electric bike ang Certificate of Stock Report, indi ini mahimo nga makaparehistro.
Ginpaandaman na sang Land Transportation Office sadto pa lamang ang mga dealers kag mismo mga nagabiyahe nga ginadumilian ang electric bike bangud designed lamang ini “for leisure”.
