BAROTAC VIEJO, ILOILO – Agaway sa duta ang motibo sa pagluthang patay sa 59 anyos nga lalaki sa Barangay San Fernando, Barotac Viejo, Iloilo.
Ang biktima amo si Jerry Agramon, 59 anyos sang nasambit nga barangay samtang ang suspek naman amo si Roger Selnora.
Sa interview sang Bombo Radyo kay Police Major Ciriaco Esquilarga, hepe sang Barotac Viejo Municipal Police Station, iya ginpahayag nga may yara sang pag binaisay sa tunga nanday Agramon kag Selnora.
Suno kay Esquilarga, wala na rekober ang armas sang suspek.
Sa subong, ipa-idalom naman sa autopsy examination ang bangkay sang biktima agud matumod kun diin ang igo ni Agramon.
