ILOILO CITY -Nagapanawagan ang Barangay Officials sang Calajunan, Mandurriao Iloilo City sa mga ila mga pumuluyo nga tatapon ang ila mga ido nga layaw.
Sa interview sang Bombo Radyo kay Punong Barangay Efrain Tagaytayan, iya ginpahayag nga nagakadapat nga indi na paghulaton sang mga tag-iya sang mga ido nga may makagat ang ila hinuptanan.
Suno kay Tagaytayan, sa tion nga wala sang tag-iya nga makuha sa mga ido nga layaw sa ila lugar, nagapangayo sila gilayon sang bulig sa Iloilo City Veterinary Office agud nga makuha ang layaw nga ido kag ikustodiya sa ila nga facilidad.
Pahayag niya, apisar nga may makuha nga layaw nga ido ang Iloilo City Veterinary Office, may mga bilin sa gihapon sa nasambit nga barangay bangud mahimo nga nagabata na naman ang mga ido ukon nagapanago lamang sa dumpsite nga yara mismo sa ila lugar.
Sa subong, may yara sang ginabanta 30 ka nga layaw nga ido ang yara sa ila nga barangay kag ini man kun kaisa ang ginareklamo sang iban nga mga pumuluyo.
