ILOILO CITY – Naga-ugtas ang Barangay Officials sang Alalasan, Lapuz, Iloilo City sa mga pet owner nga ginapabay-an ang ila hinuptanan nga mga ido.
Sa interview sang Bombo Radyo kay Punong Barangay Maricon Sumpio, iya ginpahayag nga apisar sang sulit-sulit nga pahanumdom sa mga pet onwer nga dapat indi pagpabay-an ang hinuptanan nga ido, may iban sa gihapon nga wala nagapati.
Suno kay Sumpio, ang iban sa mga ido ang masami nga makita sa ila nga covered gym kag nagahigko sa bisan diin lang.
Sa subong suno kay Sumpio, wala pa sang kaso sang rabies sa ila lugar kag ginapangitaan sang paagi ang pagpatukod sang dog pound.
