ILOILO – Indi kumbinsido si Iloilo 4th District Board Member Rolando Distura sa pagpaathag sang Department of Public Works and Highways may kaangtanan sa early warning device nga ginabutang sa mga ginatukod nga dalan.
Sa interview sang Bombo Radyo kay Board Member Distura, chairman sa Committee on Infrastucture sang Sangguniang Panlalawigan, iya ginpahayag nga madamo sang mga concerns nga ginpalab-ot ang Sangguniang Panlalawigan sa nasambit nga ahensya.
Ginpamangkot ni Distura kun bala sin-o ang responsable sa pagbutang sang early warning device sa ginakaayo nga dalan kaangay sang ginakaayo nga taytay sa Barangay Lanutan, Miag-ao, Iloilo.
Suno kay Distura, nagakadapat nga nakaplastar sang maayo kag bastante ang early warning device.
Pahayag sang board member, indi man siya kumporme sa sabat sang Department of Public Works and Highways nga madamo sang mga salawayon nga contractor.
Nagakadapat nga ma monitor mismo sang ahensya ang mga contractor kun bala ginahimo nila sang insakto ang ila katungdanan kag agud man mapahilayo sa katalagman ang mga motorista.
