ILOILO CITY – Nagakadapat nga hatagan sang atensyon ang mga medical kag hospital wastes sa syudad sang Iloilo.
Sa interview sang Bombo Radyo kay Iloilo City Mayor Jerry Treñas, iya ginpahayag nga may yara na sang sabat sa problema sang syudad kun medical kag hospital wastes ang pagahambalan.
Suno kay Treñas, madugay na nga isyu ang problema sa medical wastes sa diin tuman ini ka delikado sa ikaayong lawas sang mga pumuluyo sa syudad.
Pinaagi sa Public Private Partnership pahayag sang alkalde, may yara na sang pacilidad sa Calajunan, Mandurriao, Iloilo City para sa mga medical kag hospital wates bilang Waste to Energy Facility.
Nahibaluan nga nakigsapol ang City Environment and Natural Resources Office kaupod ang mga hospital head sa syudad sa diin gin istoryahan ang nasambit nga problema kag ang plano nga pagtransport temporaryo sa Cebu sang medical wastes bangud wala pa sang permit to operate ang joint venture partner sang syudad nga Pollution Abatement Systems Specialist Incorporated rason nga indi pa magamit ang pacilidad nga yara sa bahin sang Calajunan, Mandurriao.
