ILOILO CITY – Nagabakho ang mga pumuluyo sang Brgy. Ortiz, Iloilo City matapos nga tubtub subong, sirado sa gihapon ang Ortiz wharf matapos ang pagkay-o sang pantalan.
Sa interview sang Bombo Radyo kay Brgy. Kagawad Ma. Teresa Yu, iya ginpahayag nga ang pagpakay-o sang Ortiz wharf ang priority project sang Iloilo City Government kag nagabalor sang P1.5 million.
Suno kay Yu, ginpromisa sa ila sadto nga pagkatapos sang pila ka bulan, magadungka-balik sa Ortiz wharf ang mga pump boat nga may ruta nga Iloilo-Jordan vice versa.
Ginpahayag ni Yu nga santo sa iya impormayson, tingbon na lang sa Parola wharf ang dulungkaan sang mga pump boat santo sa abiso sang Maritime Industry Auhtority.
Umpisa sang gintingob sa Parola wharf ang dulungkaan, ginpahayag sang natungdan nga pigado ang palangabuhi-an sang mga pumuluyo.
