ILOILO CITY – Madugay na nga problema sa Brgy. Tanza Bonifacio, Iloilo City ang tuhoy sa mga layaw nga ido.
Sa interview sang Bombo Radyo kay Punong Barangay Willy Jamolo, iya ginpahayag nga madamu ang mga layaw nga ido sa ila lugar.
Suno kay Jamolo, makapila na ka bes nga ginpahanumdom ang mga dog owner apang may iban sa gihapon nga ginapabay-an ang ila hinuptanan nga ido.
Ginpahayag ni Jamolo nga indi malikawan nga may yara siya sang makaaway bangud lamang sa nasambit nga isyu ilabi pa nga nagapangakig ang tag-iya sa tion nga dakpon ang ila hinuptanan nga ido nga nagalagaw sa dalan.
Kun dayunon sang Iloilo City Government, ginpahayag sang Punong Barangay nga may yara man sang bakante nga lote sa ila lugar nga mahimo pahamtangan sang dog pound.
