ILOILO – May yara na sang evacuees sa Aklan kag Negros Occidental matapos nga ginpaidalom sa storm warning signal no. 2.
Sa interview sang Bombo Radyo kay Office of Civil Defense 6 Regional Director Jose Roberto Nuñez, iya ginpahayag nga mandatory evacuation na ang ginpatuman bangud nga ginpaidalom sa signal no. 2 ang mga nasambit nga probinsya.
Suno kay Nuñez, wala sang flash flood nga natabo sa flood prone area apang ginapaaligmat lang ang mga pumuluyo agud nga makalikaw sa disgrasya.
Ginpahayag ni Nuñez nga sa subong, wala snag casualty nga na record apang may pila ka mga propidad ang nagkalaguba sa Antique bangud sa mamadlos nga hangin.
Samtang sa probinsya sang Iloilo, wala sang may recorded damage sa mga propidad apang nagalab-ot sa 392 ka pamilya ang gin-evacuate.
