ILOILO CITY – Nagalab-ot sa P26,000 ang mabaton nga bonus sang tagsa ka regular employee sang Iloilo City Hall.
Sa interview sang Bombo Radyo kay Iloilo City Mayor Jerry Treñas, iya ginpahayag nga naaprobahan na sang Local Development Council ang nasambit nga kantidad kag iya na lang ini nga ipasa sa Sanguniang Panglungsod para sa approval.
Suno kay Treñas, ang bonus subong nga 2019 ang mas daku ipaanggid sa mga nakaligad nga tuig.
Ginpahayag man ni Treñas nga ang regular employees lang ang makabaton sang bonus apang may good news man para sa mga job hire.
Umpisa sa masunod nga tuig suno sa alkalde, ang sweldo sang mga job hire sa isa ka adlaw ang indi magnubo sa P500.
